مساء الفل يا احلي اخوات
يارب تكونوا بخير وفي سعاده دايما يارب
انهارده عاوزة اسألكم سؤال
اول ما تصحي من النوم وتغسل وشك (لو بتغسله يعني)
وتقف قدام المرايه بتفكر في ايه
طيب وانت خارج وواقف تظبط نفسك قدام المرايه برضه مش بتسرح في حاجه مش ممكن تفتكر موقف حصلك وتبص لنفسك اوي وتضحك مش ممكن بتتخيل حاجه ممكن تحصلك
يعني الولاد مثلا قبل ما يخرجوا الولد بيقف قدام المرايه وهو مععجب اوي بنفسه والشياكه اللي هو فيها والبنطلون الواقع وفرحان بشعره السبايكي (بتحصل والله بشوف ده كله بعنيا )
وكمان البنات بعد ما يلبسوا ويتذوقوا والميك اب بقي برضه بيبقوا معجبين بنفسهم وتقف بقي البنت تفكر
هتعجب مين انهارده في النادي ومين اللي هيعلق علي لبسها
عارفين انا كتير بقف قدام مرايتي وبفكر في نفسي وحياتي واليوم بتاعي عدي ازاي
وكتير بقف احاسب نفسي لو عملت حاجه مش راضيه عنها
تخيلوا ده كله قدام المرايه اه والله
(بس طبعا ده سر بينا)
شكلي اتجننت انا صح
طيب حد والنبي يلحقني ويشيل المرايه دي من عندي
بجد بقي يلا قولولي كل واحد بيشوف ايه في مرايته
ياتري بيسرح في ايه وبيفتكر ايه ؟؟؟؟؟؟؟؟
ولا انا بس اللي بيحصلي كده ولا ايه مصيبه لتكون الامتحانات جننتني